Questa é copia de una letera di Zuan Francesco de la Faitada, scrita in Lisbona, a di 26 Zugno 1501; drizata in Spagna, a sier Domeneco Pixani, el cavalier, orator nostro; la qual per sue di X Luio, là manda in questa terra

Magnifice orator etc.

A questi zorni passati scrissi per Zuan Vesiga; poi in questo zorno havemo vostra, per la qual ne cometé, li dagamo notitia de la expedition de l'armata di questo serenisimo re. Ben che per missier Cretico sarà scrito a compimento, io voglio dar notitia a quela de la partita de questa armata, la qual partite de qui a li 17 zugno, et a li 18 fu in Lacus, terra de lo Algarius, che de qui a questa terra fanno 40 lige. Del qual loco de Lacus siamo avisati, luni passato la predita armata era ingrossata de molte nave et molta gente; e, secondo m'avisano per letere de domenica passata, del regno de Algarius montarano più di 2000 homens, oltra quelli che de qui andorono con le nave che partino. Lo effecto che questo re manda questa armada a questo loco de' mori, é per pigliarlo; et eri, che fo lo di de Sancto Joanne, havevano lo arsalto in terra. Questo é quanto, fin questo di, se intende de la prefata armata. Da pó se extima andará a suo camino, dove era deputada; che Dio li concieda vitoria! La magnificentia vostra saperà, che eri, al tardi, vene uno de li navilij, che fu in zener fino a Coloqut, el qual loco si é quello donde si aspetava le spiziarie. Et perché so, quella haverá piazer intendere le nove portano, farò notitia, como questo serenisimo re mandò a lo dito loco de Coloqut 12 nave e navilij, de li quali g'é X soi, uno del signor don Alvaro(1) Nota do Autor, in compagnia de Bortolo fiorentino(2) Nota do Autor et Hironimo(3) Nota do Autor