et uno genoese(4) Nota do Autor, l'altro del conte de Porta Alegra(5) Nota do Autor e de certi altri merchandanti assai. In tutto sono 12 tre nave e navilij, de li quali, a l'andata, de qui lontano 80 lige, una de queste nave del re se perdete, che de lei non s'é saputo mai novela; le altre li, andorono a suo viagio, arivarono ad un loco, che se dimanda el Cavo de Borra Speranza. Un zorno de luio, da poi de disnar, li sopre vene grande vento, in modo, che, per quella fortuna, se perdete altre tre nave di quele del re, e lo navilio del conte di Porta Alegra; si che non restorono se non 7, le qualle andorono più avanti, tanto che arivono al Coloqut; tamen dicono, che avanti giongeseno al Coloqut, discosto da lo ditto loco lontano 100 lige, arivono in uno loco; che lo re di quel loco li feze grande honor, e il mandò refreschamenti di carne, agneli et altri presenti. Zonti poi a Coloqut, el capetanio vene a parlamento con quel re e li feze, per nome di questo serenissimo re, presente de molte cosse, in modo che restorono grandi amici; e il capetanio se ne ritornò a la nave, e mandò el fator general, con li altri deputati officiali, che avesseno a star lì in terra, e comenzorono a contratar e far partiti de sue mercantie. In quelo tempo se atrovava, in lo dito locho de Coloqut, la frota de le nave de' mori de la Mecha, che stavano per cargar specie. A uno giorno, li mori con lo factor del re vegnirono a diferentia; dicendo l'uno, che volea cargar prima che l'altro; et li mori comenzorono a mazar di portogalesi da 25 in 30 deli principali, infra li qual fu lo factor general e scrivani, et certi frati de observantia, che lo re in la dita armata mandò. Alcuni de queli che erano in terra, butati in mar, natorono a le nave, e deteno noticia al capetanio di la nova. El qual mandò a parecchiar tute le nave a vela, e comenzò a bombardar la nave de mori, in modo che nè mandò in fondo circa XII nave, et occise più de 300 mori. Facto questo, comenzò a tirar le bambarde in terra, et amazò molta gente, ruinando molte casa; e l'altro zorno pigliarono molti homeni de Coloqut, e li menorono a la sua nave. El capetanio stete in deliberation de ritornarse qui. Uno Judeo, che l'altro