quel signor; dove rimaseno alcune de le nave, le altre erano in lochi vicini. Da poi soprazonse zerme X del soldan, li quali se sdegnavano che portogalesi fosseno andati ad torleli lo inviamento, et volevano cargar prima. El fator del re de Portogal se lamentó con el signor de Coloqut, (sic) et qual, judicano, se intendesse con mori, et disse che se gli cargavano, li tolesse le specie. De che venero a le mane, che tutta la terra favori a mori, et corseno a la taxa designata a'portogalesi, et tagliorono a pezi tutti che erano in terra, per numero 40, tra li quali el fator del re, qual se à butato in aqua pãr fuzir. Inteso questo, le altre nave venero et abrusorono le zerme del soldan, che erano X, et le bombarde fecero gran danno a la terra et brusorono assai taxe, che el forzo è coperte de paglia. Per questo rumor si parti da Coloqut, et forono conduti de la lor guida, ch'e uno judeo batizato, ad una altra terra più oltra, chiamata Chucin, (Cochim) de uno altro re, inimico dil re di Coloqut, el qual li ha fato optima compagnia et ha mazor copia de specie che al Coloqut. Hano cargà ad stiva per precio che me temo dirlo; et dicono comprano uno canter de canela per un ducato et meno. Questo signor de Chucin manda sol ambasadori com queste nave a questo signor re, et etiam obstasi, a ciò che torniano securamente. Nel retorno mori et quelli de Calicute (sic) se misseno in ordene per prenderli, et armarono 150 navilij con 15 milia homeni; tamen costoro, siando chargi, non volseno combater, né quelli li poteva offender, chè lusitani se messeno a la vela de la borina, che lore non sano andare. Venendo, arivono in una insula, dove è el corpo di San Thomà. El signor de quella li ha fatto gran chareze et, datoli de la reliqule de San Thomà; li pregava volessero tuor specie da lui et che le tolesseno in credenza a l'altro viazo; questi erano za cargi et non poteva tuor più. Sono stati mesi 14 sul viazo, ma nel ritorno solo 4; et dicono voler da mo avanti far questo viazo in 9 o ver 10 mesi al più. Nel ritorno, de 7 nave, le 6 son venute salve, una dete in una secha, li homeni de le qual son salvi; et questa era de 600 bote et carga. Ma ancora non è arivate qui, salvo una di bote 300; le altre son propinque, per quanto dicono; e queste introno la sera di San Zuane. Io me ritrovava dal re, el qual me chiamò et diseme, me congratulasse, che le sue nave de India erano zonte cariche de specie; et cussi mi congratulai con li debiti modi. Feze far festa in palazo et litizia de empane per tutta la terra; el di sequente feze una