capetanio menò qui la prima volta che'l fu in Coloqut per questo re, fu mandato in questa armata, tuta via non lo lassorono mai andar a terra, comenzò a dir al capitanio che non si retornasse, ma che se andasseno più avanti 70 in 80 lige, que lui li meneria al loco proprio, donde nasceno le spiziarie, che é loco de altro re. El capitanio, visto le proposition del judeo, determinò de far quello che lui diceva, e mandò a far vela verso questo loco che costui li diceva, tanto che arivorono a questa terra, che se domanda Chuchi, dove el capetanio mandò homeni in terra a parlar a lo re de questa terra, et a quello narono quello li é stà fato in Coloqut. Questo re de questa terra é grande inimico del re di Coloqut, et inteso questo, li mandò 4 homeni, de li sui più principali, a le nave, che stesseno li, per contro de altri 4, que lo capetanio mandò in terra; e comenzorono a far partiti, per modo che in nove zomi carichono tutte 7 le nave de spiziarie; zoè garofali, canella, nose muschate, pevere et altre sorte specie. E da poi che le nave fonno del tutto cargate, queste re li mandò altre 14 barchaze de spiziarie, e loro le retornorono a remandar, perchè non le podevano alevar; e questo re ge le mandò a dar senza denari, né altra cossa per contro. El re de Chaliqut, inteso che questa armada era andata a cargar a questo loco, perché era inimico de quel'altro re, e dubitandose che lo trafico de Caliqut non se vastasse, ordenò una grande armada, per mandar a pigliar le nave de Portogallo; in la qual armata andavano più de 15 milia homeni. El re de Chuchi, che sege questa nova de questa sua armata, lo feze asaper al capitanio de Portogallo, fazendoli grande offerto, per salvarli quanto lui potesse; et oltra questo feceno partito, che li 4 homini de le nave, stavano in terra, restaseno lã, et li 4 altri de la terra, che stavano in le nave, vegnisseno qui con le dite nave, e cussi feceno, con grande amicitia. Uno giorno, stavano per partir le dite nave, per vegnir a suo camino, l'armata di Chaliqut aparse; et quelli de le nave deteno la vella, ché heveano bon vento, e lessorono per pope l'armata de Chaliqut, perché quele nave non vano a vela, se non con vento in pupa. In Chaliqut remase grande valuta de zoie, che za haveano comprado; tuta via se existima ne vegna qui, in questo nave del re, grande summa. La fama de la richeza di questo re é tanto grande, che, hessendo la terra parte, é una grande cossa. Da poi, come é dito, che fossemo partiti da Chuchi, luntanadi dal dito loco 200 lige, trovorono un'altra terra, chiamata Lichinocho, e lí stava uno re molto richo, el qualle mandò presenti al capetanio, et mandoli